निर्माता सुनिलकुमार थापाले शाहरुख खानलाई बाटो खाली गरिदिने भएका छन्।
शाहरुख खान अभिनित ‘जवान’ले भदौ २१ गतेलाई आफ्नो रिलिज मिति तोकेका थापाले १५ गते को निर्धारित मितिलाई छोड्दै भदौ २९ मा सिनेमा रिलिज गर्ने निर्णय गरेका छन्।
थापाले जनैपूर्णीमा तथा श्रीकृष्ण जन्माष्टमीको बिदा छोप्न भदौ १५ गते सिनेमा रिलिज गर्ने तयारी गरेका थिए।
तर, शाहरुख खानको नयाँ रिलिज मितिले गर्दा उनी सो मितिबाट पछि हटेका हुन्।
भदौ २९ को सोही मितिमा दयाहाङ राई, मिरूना मगर तथा साम्राज्ञी शाह स्टारर ‘नाँगो गाँउ’ आउँदैछ भने कृषा चौलागाईंको निर्देशकीय डेब्यू सिनेमा ‘ऐंचो पैंचो’ पनि आउने बताइन्छ।
भदौ २९ को मितिमा आउँदा शाहरुखका कारण गुमाउनु परेको जनै पूर्णिमा र श्रीकृष्ण जन्माष्टमीको बिदा भरपाई गरने मौका छ किनकी असोज १ गते तीजको बिदा पर्छ भने ३ गते संविधान दिवस।
यसअघि थापाले केजिएफ-च्यापटर २’ सँग ‘ए मेरो हजुर-३’ लगाएका थिए। केजिएफका कारण उनको सिनेमाले उल्लेख्यमात्रामा शोहरु गुमाउनुपरेको थियो र उनी यसपटक सोहओ नियतीबाट बच्न चाहेको देखिन्छ।
