काठमाडौँ- युरोपियन च्याम्पियन्स लिगअन्तर्गत इंग्लिस क्लब म्यानचेस्टर सिटी र रियल म्याड्रिडबीचको सेमिफाइनलको पहिलो लेग बराबरीमा सकिएको छ।
रियलको मैदानमा भएको खेल एक एक गोलको बराबरीमा सकिएको हो। खेलको ३६ मिनेटमा भिनिसियस जुनियरको गोलबाट रियलले घरेलु मैदानमा अग्रता लियो।
सिटीले ६७ मिनेटमा बराबरी गोल फर्कायो। गुन्डोआनको पासमा केभिन डे बुएनले बराबरी गोल फर्काए। आगामी बुधबार राति घरेलु मैदानमा म्याड्रिडविरुद्धको जितले सिटीलाई इन्टर मिलान वा एसी मिलानविरुद्धको दोस्रो च्याम्पियन्स लिगको फाइनलमा पुर्याउने छ। म्याड्रिडले जिते हात पारे १५औं उपाधिको नजिक पुग्नेछ।
खेलको सुरुवातमा सिटीले दबाबमा दिएको थियो। ब्रुएन, रोड्रि र हालान्डको प्रहारमा रियलका गोलकिपर बाधक बने।
भिनिसियस जुनियरले पहिलो हाफमा रियलको एक मात्र मौकामा गोल गरेका थिए।
दोस्रो हाफको सुरुमा रियलले खेललाई पकड लिएको थियो। तर बुएनले बराबरी गोल फर्काएपछि सिटीलाई राहत मिल्यो। दोस्रो हाफमा करिम बेन्जेमाले रियललाई अग्रता दिलाउन गरेको हेडरमा सिटीका गोलकिपरले राम्रो बचाउ गरेका थिए।
सिटी अहिले सबै प्रतियोगितामा २१ खेलमा अपराजित छ, जसमा १७ जित समावेश छ। अब थप सात खेलमा विजयी भएमा सिटीले च्याम्पियन्स लिग, इंग्लिस प्रिमियर लिग र एएफ कप जित्दै ट्रेबल गर्नेछ।
