नाबालिका गायिका बलात्कार मुद्दामा बालिकाले इन्कारी बयान दिएपछि जेलबाहिर निस्किएका अभिनेता-मोडल पल शाहले रिहाइ पश्चातको पहिलो काम सार्वजनिक गरेका छन्।
उनले पुष्पन प्रधानको शब्द-संगीतमा पहिले नै हिट भएको ‘तिमीलाई हेर्ने बानी पर्यो’ बोलको गीतको महिला भर्सनलाई रिलिज गरेका हुन्।
उनी स्वयम यो भिडियोका निर्देशक हुन्। सार्वजनिक गीतको भिडियोमा उनले आफू जेल परेको, रिहा भएको तथा उनको रिहाइका लागि विभीन्न धार्मिक समयदायले प्रार्थना गरेको लगायतका दृश्यहरु भिडियोमा सामावेश गरेका छन् तर उनी के कारणले जेल जानुपर्यो भनेर भने सो भिडियोमा खुलाएका छैनन्।
त्यस्तै यो भिडियोमा मोडल सनिशा भट्टराई पलको प्रेमिका बनेकी छन्। उनलाई कसलाई पात्रका रुपमा भिडियोमा पेस गरेका हुन् भन्नेचाँहि कुनै संकेत मिल्दैन्। भिडियोमा उनले बहिनी आमा तथा बाबु उनलाई हिरासत भेट्न गएको पनि देखाएका छन्।
यध्यपी बलात्कार मुद्दाका क्रममा उनले थुप्रै युवतीसँग प्रेम रहेको समाचारहरु प्रकाशित भएका थिए, जसमध्ये केही नामसमेत सार्वजनिक भएको थियो।
उनले यो म्यूजिक भिडियोमा पूरा कथा पेस नगरेकाले कतै उनले अर्को भागको तयारी गरेका छन् कि भन्ने अनुमान गर्न सकिन्छ।
यो महिला संस्करणमा अन्नु चौधरीको स्वर रहेको छ।
