कानु रिभ स्टारर ‘जोन विक’ सिरिजलाई अहिले सर्वकालिन एक्सन फिल्मका रुपमा व्याख्या गर्न थालिएको छ।
सिनेमाले ‘म्याट्रिक्स’ सिरिजपछि सिनेउद्योगमा दमदार कमब्याक गरायो।
यसैवर्ष रिलिज भएको सिनेमाको चौथो श्रृखंलाले समीक्षक तथा दर्शकहरुबाट सकारात्मक प्रतिक्रिया बटुल्दै अभूतपूर्व वक्सअफिस सफलतासमेत प्राप्त गर्न सक्यो। सिनेमा आफ्नो सिकवलकै सर्वाधिक कमाइ गर्ने सिनेमा बन्यो।
हाल यसका प्रशंसकहरुलाई सिनेमाको अर्को सिक्वलको चाहाना हुनथालिसकेको छ। दर्शकहरुको सो चाहाना पूरा हुने संकेत यसका निर्देशकले दिएका छन्।
निर्देशक चाड स्टेल्स्की सिनेमाको सिक्वलका बारेमा आफ्नो सोचको खुलासा गरसँगै पाँचौ श्रृखंला सम्भव हुनलागेको देखिएको हो।
पछिल्लो शृखंलामा जोन विक गोलीबाट मारिएका छन् र निर्देशक जोनलाई आफ्नो नयाँ श्रृखंलामा आराम दिन चाहन्छन्। यसको खुलासा उनी स्वयंले गरिसकेका छन्।
उनले सिक्वलका अन्य कलाकारलाई दिमागमा राखिरहेका छन्।
हालै दिएको एक अन्तरवार्ता चाडले भने ‘हेर्नुस्, यो मैले राम्रो कुराका लागि भनेको हो किनकी यो त व्यापारको कुरा हो। जब तपाईंसँग कुनै सफलता हुन्छ भने त्यसलाई निरन्तरता दिन चाहनुहुन्छ। त्यसलाई नै दोहोर्याइराख्नु सजिलो पनि हुन्छ। तर यसको चलाखी एउटै कुरामा कति पुनरावृत्ति भइराख्ने भन्नेमा पर्छ। तपाईंले पहिले नै तीन-तीन पटक गरिसकेको कुरामा कसरी तपाईका निर्माताहरुलाई कसरी राख्नुहुन्छ भन्ने हो।’
उनले आफूलाई पाँचौ श्रृखंला गर्न कुनै आपत्ति नभएको बताए।
‘वास्तविक प्रश्न के हो भने-के तपाईं गर्न चाहनुहुन्छ? उत्तर हो- हो म चाहन्छु’, चाडले भने।
उनले आफ्नो दिमागमा विभिन्न सोचहरू चलिरहेको र तीमध्ये कुनैले आफूलाई छोएमा सुरु गर्ने बताए।
