नेपालकै चर्चित हास्य टेलिश्रृंखला ‘सक्किगोन”को तेस्रो सिजन जेठ ११ बाट प्रसारण हुने भएको छ ।
मर्मस्पर्शी र गम्भिर टिजर सार्बजनिक गर्दै जेठ ११ लाई प्रसारण मिति तोकिएको जानकारी गराइएको छ।
कुमार कट्टेल र अर्जुन घिमिरेले निर्देशन गर्ने कमेडी जनराको यो सिरियलको टिजर भनै निकै मन छुने गम्भिर बनाइएको छ ।
प्रत्येक नागरिकको शिक्षा र स्वास्थ्यको जिम्मा राज्यले लिएको भए कुनै व्यक्ति विदेश जानु पर्दैन भन्ने हिसाबले विदेशिनुको पिडा लाई टिजरमा निकै मजाले देखाइएको छ ।
टिजरलाई लिएर निर्देशक कट्टेलले यस्तो भनेका छन्
‘हामीले बनाउने कमेडी सिरियल नै हो । देशमा रोजगारी छैन, शिक्षा स्वास्थ्य सर्वसाधारणको पहुँचभन्दा बाहिर गएको छ । मुलुकको पीडा, अभाव, नैराश्यताको बीचमा पनि मुस्कान लिएर आउँदैछौ भनेर कनेक्सन मात्र गर्न खोजिएको हो ।’
हिमालय टिभी एचडीमा प्रत्येक बिहीबार बेलुका ८ बजे प्रसारण हुने उक्त टेलिसिरियलका टिमले सिजन ३ को समाप्ति सँगै फिल्म निर्माणको योजना पनि बनाई नै रहेका छन्।
