जेलबाट निस्किएपछि आफ्नो पहिलो म्यूजिक भिडियो सार्वजनिक गरेका पल शाहले सो गीतको भिडियोलाई लिएर स्पष्टिकरण दिएका छन्।
उनले केहि दिन अगाडि पुष्पन प्रधानको शब्द-संगीत तथा अनु चौधरीको स्वरमा रहेको ‘तिमीलाई हेर्ने बानी परेछ’ गीत सार्वजनिक गरेका थिए। भिडियोमा उनले आफ्नो जीवनसँग मेल खाने कथा पेस गरेका थिए।
उनले सोही कथाको खण्डन गरेका हुन्।
‘यो मेरो कथा होइन । २८ हजार कैदी बन्दीको कथा हो । उहाँहरुको परिवार छ । उहाँहरुकै लागि मैले यो भिडियो बनाएको हुँ’, पलले एक अवार्ड कार्यक्रममा भने।
धेरैले उक्त म्यूजिक भिडियो सार्वजनिक भएपछि अपुरो कथा किन पूरा कथा किन राखिएन भनेर सामाजिक संजालमार्फत प्रश्न गरेका छन्।
कैदी बन्दीको परिवारको आँखाबाट म्यूजिक भिडियो बनाएकाले कथा अधुरो नरहेको पनि पलको भनाइ छ।
पलले आफ्नै निर्देशनमा तयार बारेको भिडियो मेकिङका हिसाबले औषत गुणस्तरको मात्र छ।
