भदौ १ गते रिलिज हुने ‘नम्बरी सुन’ले आफ्नो पहिलो गीत रिलिज गरेको छ।
सिनेमाले आफ्नो ‘नम्बरी सुन’ बोलको शीर्ष गीत रिलिज गरेको हो।
सन्तोष श्रेष्ठको संगीतमा तयार भएको गीतमा राजेश पायल राई र शान्तिश्री परियारको युगल स्वर रहेको छ।
गीतका लेखक नारायण खाती हुन भने कोरियोग्राफर रामजी लामिछाने हुन्।
गीतको भिडियोमा सिनेमाका मुख्य कलाकार गौरव पहारी, नम्रता सापकोटा तथा बिनोद न्यौपानेलाई नाच्दै गरेको देख्न सकिन्छ।
राजु गिरीको निर्देशक रहेको यो सिनेमालाई सरोज खाती, सविन खाती तथा मनोज रिजालले निर्माण गरेका हुन्।
यस्तै सिनेमाको कथा तथा पटकथा शिवम अधिकारीले लेखेका हुन् भने सिनेम्याटोग्राफर दिब्य सुवेदी हुन्।
प्रतिक्रिया दिनुहोस्
