भदौ १ गते रिलिज हुने सिनेमा ‘नम्बरी सुन’का निर्माताले निर्देशक राजु गिरीलाई सुन उपहार दिएका छन्।
काठमाडौमा आज सिनेमाको शीर्ष गीत रिलिज कार्यक्रममा निर्माता खातीले निर्देशक गिरीलाई खुकुरी आकारको सुनको व्याज दिएका हुन्।
खाती पेसाले सुनचादी व्यवसायीसमेत हुन्।
खातीले अगामी दिनमा टिमका अन्य सदस्यसहित दर्शकसमेतलाई सुन उपहार दिने घोषणा गरेका छन्। यसका लागि दर्शकले सिनेमाको टिकटको फोटो खिचेर ‘नम्बरी सुन’को फेसबुक पेज र अन्य सामाजिक संजालमा पोस्ट तथा सेयर गर्नुपर्नेछ।
यसरी पोस्ट तथा सेयर गर्नेहरुमध्यबाट गोलाप्रथा मार्फत १ जनालाई बिजेता घोषणा गरिने छ।
विजेतालाई १ तोला नम्बरी सुनको सिक्री दिइनेछ।
सिनेमामा गौरव पहारी, नम्रता सापकोटा, सरोज खनाल, राजाराम पौडेल, विनोद न्यौपाने, किरण नेपाली लगायतको अभिनय छ ।
प्रतिक्रिया दिनुहोस्
