काठमाडौं । चर्च ब्वाइज युनाइटेड शहीद स्मारक ए डिभिजन लिगको शीर्ष स्थानमा उक्लिएको छ । सातदोबाटो युथ क्लबलाई पराजित गर्दै सो टिम शीर्ष स्थानमा उक्लिएको हो ।
मंगलबार साँझ दशरथ रंगशालमा भएको खेलमा चर्च ब्वाइजले सातदोबाटोलाई १–० ले हरायो । खेलको ६३ औँ मिनेटमा चर्च ब्वाइजका लागि सुवास गुरुङले निर्णायक गोल गरे ।
जितपछि जावालखेल युथ क्लबलाई २ अंकले पछि पार्दै शीर्ष स्थान उक्लेको चर्च ब्वाइजले १८ खेलबाट ३३ अंक जोडेको छ र उपाधि होडमा अघि आएको छ ।
प्रतिक्रिया दिनुहोस्
