चर्चित लोक दोहोरी गायिका मिना लामाको सिनेमा ‘चौबन्दी’ को च्यारिटी शो सम्पन्न भएको छ ।
सिनेमाको शनिबार काठमाडौं स्थित बिजी मलको बि.एस.आर. मुभिजमा च्यारिटी शो गरिएको हो।
चौबन्दी सिनेमा पुर्व मन्त्री दिलमान पाख्रिनको प्रमुख आतिथ्यतामा सम्पन्न गरिएको थियो ।
‘चौबन्दी’ सिनेमाको च्यारिटी शो को अवसरमा विभिन्न समाजसेवी व्यक्तित्वहरु र सिनेमासँग जोडिएका व्यक्तिहरुलाई सम्मान गरिएको थियो ।
‘चौबन्दी’ सिनेमा की निर्माता तथा नायिका समेत रहेकी मिना लामाको कथा रहेको छ भने निरेन श्रेष्ठले निर्देशन गरेका हुन् ।
यस सिनेमामा स्व. कलाकार जयनन्द लामा, रश्मी भट्ट, मिना लामा, दिपाशा बिसी, रितु तामाङ, लगायत अन्य कलाकारहरुको अभिनय रहेको छ । यस सिनेमालाई रोयल मुभिज प्रा.लि.ले निर्माण गरेको हो ।
यस सिनेमा सामाजिक विषयवस्तुमा र आफ्नै जिवन कथामा आधारित रहेको कुरा निर्मात्री लामाले बताएकी छिन् ।
साथै यस सिनेमालाई नेपालका हलहरुमा प्रदर्शन गर्ने सोंच तुरुन्तै नभएको र विदेशमा आफु जाने कार्यक्रममा कोसेलीका रुपमा यस ‘चौबन्दी’ सिनेमालाई लगेर प्रदर्शन गरिने कुरा उनले बताइन्।
