काठमाडौं । राष्ट्रिय जनमोर्चाका अध्यक्ष तथा सांसद चित्रबहादुर केसीले सरकारले सदनमा पेस गरेको नीति तथा कार्यक्रमबाट ‘सङ्घीयता’ शब्द हटाउन माग गरेका छन् ।
शुक्रबार संसद्मा पेस भएको आगामी वर्षको नीति तथा कार्यक्रममाथि छलफलमा सहभागी हुँदै उनले उक्त नीति तथा कार्यक्रमको पहिलो बुँदामा उल्लेखित सङ्घीयता भन्ने शब्द हटाउनुपर्ने माग गरेका हुन् ।
सङ्घीयता देशले धान्नै नसक्ने हुँदा नीति तथा कार्यक्रमको पहिलो बुँदामा उल्लेख भएको ‘सङ्घीयता’ शब्द हटाउनुपर्ने उनले बताए । सुरुदेखि नै आफ्नो पार्टीले संघीयताको विपक्षमा रहेको भन्दै उनले देशले धान्न नसक्ने हुँदा संघीय व्यवस्था नै खारेज गर्नुपर्ने बताए ।
प्रतिक्रिया दिनुहोस्
