हिमालय रोडिज सिजन-५ को नेपालका ८ शहरमा अडिसन हुने भएको छ ।
रोडिजको बर्दिवास, इटहरी, हेटौंडा, भरतपुर, बुटवल, नेपालगञ्ज, पोखरा तथा काठमाडौंमा अडिसन हुनेछ
हिमालय टिभीले अडिसन हुने सहर, मिति र समयको घोषणा गरेको छ । छायांकन सुरु हुन एक साता बाँकी रहँदा पाँचौं सिजनको लागि अडिसन खुला गरिएको हो ।
अडिसन जेठ १२ गते सुरु भएर २१ गतेसम्म चल्नेछ ।
पहिलो दिन बर्दिवासमा, १३ गते इटहरी, १४ गते हेटौंडा, १५ गते भरतपुर, १६ गते बुटवल, १७ गते नेपालगञ्ज, १९ गते पोखरा र २१ गते काठमाडौंमा अडिसन हुनेछ।
शुक्रबारदेखि सुरु हुने रोडिजको पाँचौं सिजनलाई सिमोस सुनुवारले निर्देशन गर्नेछन् भने निर्णायकमा प्रियंका कार्की, आशिष राना’लाहुरे’, सुरज सिंह ठकुरी, दिया मास्के तथा अनुपविक्रम शाही रहेका छन्।
प्रतिक्रिया दिनुहोस्
