एसएस राजामौलीको पछिल्लो रिलिज ‘आरआरआर’मा खलनायकको भूमिकामा अभिनय गरेका हलिउड अभिनेता रे स्टिभेन्सनको इटालीमा मृत्यु भएको छ।
उनको ५८ वर्षको उमेरमा निधन भएको हो।
उनले ‘आरआरआर’का अलवा ‘थोर’ तथा ‘डाइभर्जेन्ट’ लगायतका हलिउड सिनेमामा काम गरेका छन्। सिनेमासँगै उनको अभिनय सक्रियता टिभी तथा एनिमेटेड सिरिजमासमेत थियो।
उनको पछिल्लो काम ‘१२४२ : गेट वे टु द वेस्ट’ थियो ।
उनी डिज्नी प्लसको आगामी फिल्म ‘अशोका’मा अभिनय गर्ने तयारीमा थिए ।
२५ मे १९६४ मा उत्तरी आयरल्याण्डको लिस्बर्नमा जन्मेका स्टिभेन्सनले १९९० को दशकको प्रारम्भमा युरोपेली टिभी शृंखला र टेलिफिल्मबाट करिअर सुरु गरेका थिए ।
उनको निधनमा राजामौलीले संवेदना प्रकट गरेका छन्।
प्रतिक्रिया दिनुहोस्
