दीपेन्द्र लामा निर्देशित ‘नाङ्गो गाँउ’को सुटिङ् ३३ दिनमा प्याकअप भएको छ।
सुटिङ् प्याकअपसँगै निर्माणपक्षले सिनेमाको रिलिज मितिसमेत घोषणा गरेको छ।
निर्देशक लामाले फोसबुकमा स्टाटस पोस्ट गर्दै प्याकअप र रिलिजको घोषणा गरेका हुन्।
सिनेमामा दयाहाङ राई, मिरुना मगर, कर्मा, साम्राज्ञी शाह, शिशिर बाङ्देल, बुद्धि तामाङ, रवीन्द्र झा, विशाल पहाडी, अंकित खड्का, राज थापा, कमलमणि नेपाल, पुष्कर गुरुङ, शारदा गिरी, घनुभाइ जोशी, निमा पाण्डे, सविन बास्तोला, शंकर आचार्य, केशव राई, इष्टु कार्की, ताण्डव, रामकाजी घिमिरे लगायतका अभिनय रहेको छ।
हिमाल शर्माको प्रस्तुति, जय श्रेष्ठको निर्माण, दीपेन्द्र लामाको लेखन तथा निर्देशन रहेको चलचित्रको छायांकन आलोक शुक्लाले गरेका हुन् । वनीश शाह सिनेमाका सम्पादक हुन्।
सिनेमाको सम्पूर्ण छायाँकन काभ्रेको बेथानचोक गाउँपालिका क्षेत्रमामा भएको हो।
