काठमाडौँ- रुकुमपश्चिको बाँफिकोट गाउँपालिकामा जिप दुर्घटना भएको छ। बिहीबार बिहान ७ बजे बाँफिकोट गाउँपालिका–८ तोरीधारामा जिप दुर्घटना भएको हो।
सानीभेरी गाउँपालिकादेखि रुकुमपश्चिमको खलंगाका लागि छुटेको लु १ ज १७४७ नम्बरको जिप दुर्घटनामा परेको इलाका प्रहरी कार्यालय बाँफिकोट रुकुमपश्चिमले जनाएको छ।
बाँकफीकोट गाउँपालिकाका प्रवक्ता प्रकाश खत्रीका अनुसार पाँच जनाको शव भेटिएको छ। जिपमा १४ जना सवार रहेको बुझिएको छ।
जिप सडकबाट अन्दाजी ४०० मिटर तल खसेको छ भने दुर्घटनाको कुनै कारण खुल्न सकेको छैन्।
हाल स्थानीय तथा प्रहरीले दुर्घटनामा घाइतेहरुको उद्धार कार्यलाई जारी राखेका छन्।
घाइतेको हेलिकप्टरबाट उद्धारको प्रयास भइरहेको उनले जानकारी दिए।
प्रतिक्रिया दिनुहोस्
