काठमाडौं । प्रधानमन्त्री पुष्पकमल दाहाल प्रचण्ड भारत भ्रमणमा जानेबारे भारतका लागि नेपाली राजदूत डा. शंकर शर्माले दिल्लीमा कूटनीतिक भेटघाट थालेका छन् ।
बिहीबार राजदूत शर्माले भारतीय विदेशमन्त्री डा एस एस जयशंकरसँग भेटवार्ता गरेका छन् । बिहीबार बिहान राजदूत शर्मा र आफूबीच भेटवार्ता भएको विदेशमन्त्री जानकारी दिएका छन् ।
भेटवार्ताको तस्बिरसहित उनले आफूहरुबीच दुई देशबीचको गहिरो र बहुपक्षीय साझेदारीको बारेमा छलफल भएको र आगामी दिनमा यसलाई थप बिस्तार गर्ने प्रतिबद्धता जनाइएको जानकारी दिएका छन् ।
प्रधानमन्त्री प्रचण्ड जेठ १७ गते भारत भ्रमण गर्ने भनिए पनि औपचारिक घोषणा गरिएको छैन ।
प्रतिक्रिया दिनुहोस्
