नेपाली अभिनेत्री विपना थापालाई ‘यूग नायिका’को उपाधि प्रदान गरिएको छ ।
काठमाडौंमा शनिबार आयोजित तेस्रो संस्करणको स्पर्श म्युजिक भिडियो अवार्ड २०२३ मा विपनालाई यो उपाधि प्रदान गरिएको हो । विपना २०५० को दशककी सफल अभिनेत्रीमा पर्छिन् ।
टच इन्टरटेन्मेन्ट एण्ड स्पर्श फिल्म्स, पेजेन्ट नेपाल ईन्टरनेश्नल तथा ब्राइट इभेन्ट म्यानेजमेन्टले संयुक्त रूपमा आयोजना गरेको कार्यक्रममा विपनाको डेब्यु फिल्म ‘जन्मभूमि’का निर्देशक तथा चलचित्र कलाकार संघका अध्यक्ष मोहन निरौला, नृत्य निर्देशकहरू राजु शाह, कमल राई तथा छायांकार शिव ढकालले विपनालाई उपाधि प्रदान गरेका थिए ।
‘आईएमई पे’ले प्रवर्द्धन गरेको तथा महेरु फेसन एण्ड डिजाइनको प्रस्तुतिमा भएका कार्यक्रममा प्रभु बैंकको सहकार्य थियो ।
प्रतिक्रिया दिनुहोस्
