जनता समाजवादी पार्टी (जसपा)ले कोशी प्रदेशको नाम खारेज गरी पुन: नामकरण गर्न माग गरेको छ ।
जसपका अध्यक्ष उपेन्द्र यादवले विज्ञप्ति जारी गर्दै कोशी खारेज गर्नुपर्ने बताएका छन् । उनले कोशी नामलाई खारेज गरी ऐतिहासिक पृष्ठभूमि र पहिचानलाई समेत सम्बोधन हुने नाम राख्न उनले माग गरेका हुन् ।
‘प्रदेश सभाबाट प्रदेश नम्बर १ को नामकरण कोशी प्रदेश गरिएकोमा त्यसलाई अस्वीकार गर्दै उक्त नामलाई खारेज गरी ऐतिहासिक पृष्ठभूमि र पहिचानलाई समेत सम्बोधन हुने गरी पुन: नामकरण गर्न माग गर्छौं,’ विज्ञप्तिमा भनिएको छ ।
यस्तै प्रदेशमा भइरहेको प्रदर्शनमाथि सरकारको दमन पनि बन्द गर्न उनले आग्रह गरेका छन् ।
प्रतिक्रिया दिनुहोस्
