कैलालीमा बस दुर्घटना हुँदा ११ जना घाइते भएका छन् ।
कैलालीको जानकी गाउँपालिका-१ दुर्गौली चोकमा ना६ख ८८३३ नम्बरको बस दुर्घटनामा परेको हो । दुर्घटनामा ११ जना घाइते भएको प्रहरीले जनाएको छ ।
दुर्घटनामा ६ जना गम्भीर घाइते भएकोमा उनीहरूको टीकापुर अस्पतालमा उपचार भइरहेको छ र ५ जना सामान्य घाइते रहेका छन् ।
बस धनगढीबाट टीकापुरतर्फ आउँदै गर्दा दुर्घटना भएको तोरैयापुर प्रहरी चौकीका इन्चार्ज लक्ष्मण कुँवरले बताए ।
प्रतिक्रिया दिनुहोस्
