एक दिवसीय विश्वकप छनोटअघि दक्षिण अफ्रिकामा अन्तिम तयारी गर्ने नेपाली टोली टिममा सन्दीप लामिछाने अनुपस्थित हुने भएका छन् ।
जिम्बाब्बेमा हुने एक दिवसीय विश्वकप छनोटका लागि तयारी गर्न नेपाली टिम बुधबार बिहान साढे २ बजे दक्षिण अफ्रिका प्रस्थान गर्दैछ ।
बलात्कार आरोपमा मुद्दा खेपिरहेका सन्दीप लामिछानेलाई अदालती प्रक्रियाका कारण दक्षिण अफ्रिका भ्रमणमा समावेश गर्न नसकेको नेपाल क्रिकेट संघ क्यानले जनाएको छ ।
पछिल्लो केही महिनादेखि उनीविरुद्धको मुद्दा नियमित पेशीमा चढिरहे पनि अन्तिम सुनुवाइ र फैसला हुन ढिला हुँदा सन्दीपले दक्षिण अफ्रिका जान नपाएका हुन् ।
प्रतिक्रिया दिनुहोस्
