कृष्णा अभिषेक टेलिभिजन तथा सिनेमा दुवैमा व्यस्त रहने गर्छन्। उनलाई ख्याती भने ‘द कपिल शर्मा शो’ले नै धेरै दिलाएको छ।
यो शोमा उनी कहिले धर्मेन्द्र त कहिले ज्याकी श्राफ बन्छन् भने कहिले महिला बनेर दर्शकलाई खूबै हँसाउने गर्छन्।
‘द कपिल शर्मा शो’बाट केही समय कृष्णा टाढा बसेर अन्य शो मार्फत दर्शकलाई हसाउने प्रयास पनि गरे तर कपिलको शोमा जस्तो सफल भने उनी हुनसकेनन्।
उनी बिना कपिलको शो पनि खल्लो बन्यो। शोलाई मजबुत बनाउन जेजस्तो मनमुटाव कपिलसँग भए पनि कृष्णा पछिल्लो समय शोको महत्वपुर्ण हिस्सा बनेका छन्। उनको सम्लग्नताले शोलाई राम्रै फाइदा पुगेको छ।
कमाइका हिसाबले पनि कृष्णालाई कपिलको शोले राम्रो पैसा दिइरहेको छ। कृष्णा टेलिभिजनबाट राम्रो कमाइ गर्ने कलाकारको सूचिमा पर्छन्।
शोमा राम्रो कमाइ गर्ने कृष्णासँग सम्पतिको कुरा गर्नुपर्दा उनी झण्डै ४० करोड भारुका मालिक हुन्।
उनले शो बाट प्रति शो १० देखि १२ लाख रुपैयाँ पारिश्रमिक बुझ्छन्। यस हिसाबले उनले सातामा दुई शोबाट २० देखि २४ लाख भारुको कमाइ गर्ने गरेका छन् जुन मासिक हिसाबले हेर्ने हो भने ३६ लाख भारु हुन आउँछ। यसका अलावा कृष्णाले अवार्ड शो, स्टेज शो आदिबाट राम्रै कमाइ गर्ने गरेका छन्।
कपिलको शोमा उनको भारती सिंहसँगको जोडीलाई दर्शकहरुले मनपराउने गरेका छन्। शोमा उनले निर्वाह गर्ने सपना पार्लरवाला दिदीको भूमिकालाई दर्शकले एकदमै मनपराउँदै आइरहेका छन्।
