इरोटिक थ्रिलर भनेर प्रचारित ‘परस्त्री’ सिनेमाले आफ्नो पहिलो गीत सार्वजनिक गरेको छ ।
सिनेमाले ‘माया बस्यो तिमीसँग’ बोलको गीत सार्वजनिक गरेको हो।
सार्वजनिक गीतमा केतन क्षेत्री र निखिता थापाको युगल स्वर रहेको छ।
सार्वजनिक गीत सिनेमाका मुख्य कलाकार शिल्पा मास्के र अभिनेता गौरव बिष्टमाथि फिल्माइएको छ ।
केके ब्रोदर्स अर्था कोशिस र केतन क्षेत्रीको संगीत र शब्द रचना रहेको गीतका संगीत संयोजक उदय राज पौडेल हुन् ।
गीत मुस्ताङका रमणीय स्थानमा खिचिएको छ ।
सिनेमाको सार्वजनिक गीत खिचाइ, संगीत तथा गायकीको मानेमा औषत देखिएको छ। सबैभन्दा खराब सिनेमाको कोरियोग्राफीमा देखिएको छ भने लोकेशनका हिसाबले पनि कुनै ताजापन देखिन्न।
गीतलाई वाइल्ड रिपर्जले कोरियोग्राफी गरेको हो।
विवाहेत्तर सम्बन्धले निम्त्याउने पारिवारिक र सामाजिक संकटको कथाबस्तुमा निर्माण भएको सिनेमाबाट अभिनेता सुरज पाण्डेले निर्देशकीय डेव्यु गर्दैछन्।
पाण्डेले ‘लभ लभ लभ’बाट स्वस्तिमासँग जोडी बाँधेर डेब्यू गरेका थिए।
‘परस्त्री’मा शिल्पा र गौरवका अलवा कोशिस क्षेत्री, अलिसा क्षेत्री, अशान्त शर्मा, रामबाबु रेग्मी, सरस्वती अधिकारी, झकेन बिसी र अर्पित न्यौपानेको अभिनय रहेको छ ।
डीएस डिजिटलको ब्यानरमा निर्माण भएको सिनेमालाई शर्मिला पाण्डे र दीपेन्द्र के खनालले निर्माण गरेका हुन्।
खनाल सिनेमाका लेखकसमेत हुन् । हिन्दी भाषामा समेत रिलिज गर्ने तयारी गरिएको सिनेमाको हाल भारतको मुम्बईमा प्राविधिक काम भैरहेको छ ।
सिनेमा असार १५ गते रिलिज हुँदैछ।
