नेपाली कांग्रेसका सभापति शेरबहादुर देउवाले सभापतिलाई गाली गरेर पार्टी बलियो नहुने बताएका छन् ।
शनिबार ललितपुरमा नेपाली कांग्रेस जिल्ला कार्यसमिति ललितपुरको प्रथम जिल्ला सम्मेलन उद्घाटन गर्दै सभापति देउवाले गाली वा विरोध गरेर मात्रै पार्टी बलियो नहुने भन्दै पार्टी बनाउनका लागि जनतामाझ जानुपर्ने बताएका हुन् ।
उनले आफ्नो नेतृत्वमा कांग्रेसलाई पहिलो पार्टी बनाएको र भोलिको दिनमा पनि पार्टी बलियो बनाउन भूमिका निर्वाह गर्ने जिकिर गरे । सभापति देउवाले आगामी दिनमा आफू पार्टीको सभापति नबन्ने स्पष्ट पारे । उनले कुन कुरा कता बोल्नुपर्छ भन्ने कुरा पार्टीका नेताहरूले बुझ्नुपर्ने जिकिर गरे ।
त्यस्तै कांग्रेस नेता प्रकाशमान सिंहले समयमा नै पार्टीलाई समयमा नै विधिसम्मत रूपमा अघि बढाउन सके आगामी दिनमा कुनै दल र शक्तिको चुनौती सामना गर्न नपर्ने बताए ।
उनले पार्टीको विभागहरूको विषयलाई टुङ्गाएर सशक्त रूपमा अघि बढ्नुपर्ने धारणा राखे ।
प्रतिक्रिया दिनुहोस्
