जेठ १२ गते रिलिज भएको ‘हुक्का’ सिनेमा वक्सअफिसमा सुपरफ्लप भएको छ।
वक्सअफिस आँकडा हेर्दा सिनेमाको कमाइ अत्यन्त दयनिय देखिएको छ। सिनेमालाई प्राप्त हल, शो संख्या हेर्दा सिनेमाले पानीसमेत भन्न नपाएको छर्लङ देखिन्छ।
धेरै हलमा दुई दिन र की हलमा एक सातासम्म जेनतेन लागेको सिनेमाले केवल २ लाख १९ हजार मात्रको कमाइ गरेको छ।
‘हुक्का’ले एक साताको समयमा देशभरका १८ हलमा ७० शो पाएको थियो।
यो सिनेमा हेर्ने दर्शकको संख्या हजार जनासमेत नभएको वक्सअफिस रिपोर्टले देखाएको छ। यो सिनेमाको केवल ८ सय ४० वटा टिकट विक्री भएको छ।
शम्भु थापाले निर्देशन गरेको सिनेमामा प्रकाश घिमिरे, प्रमिला खनाल, तेज गिरी, अशु न्यौपाने तथा तलिशा गुरुङ आदिको प्रमुख भूमिका रहेको छ।
यस वर्ष रिलिज भएका सिनेमामा ‘जारी’ मात्रले वक्सअफिसमा दमदार कमाइ गरेको छ र अझै गरिनै रहेको छ। बाँकी सिनेमाको हाल सम्झन त के भन्नु विर्सनलायक छ।
