शनिबार ‘नम्बरी सुन’को प्रिमियर भएको छ।
भदौ १ गते रिलिज हुने सिनेमाको हेटौंडास्थित ओम्याक्स सिनेमा घरमा प्रिमियर गरिएको हो ।
निर्माता नारायण खातीले आफूले निर्माण गरेको फिल्मको पहिलो शो आफ्नै गृहनगरबाट गरेका हुन् ।
निर्माता खातीले आफ्नो जन्मथलोमा आफ्नै सिनेमाको प्रिमियर गर्न पाउँदा खुशी व्यक्त गरे । सिनेमा हेरेपछि दर्शकले सकारात्मक प्रतिक्रिया दिएका छन् । सुन र सुन बनाउने पुरानो चलनलाई सिनेमामार्फत देखाइएको छ ।
सिनेमाका निर्देशक राजु गिरी हुन्।
गिरीले सुनसँग जोडिएर बनाइएको फिल्मले सुन बनाउने सुनारेलाई गाउँका काजीहरुले हेर्ने दृष्टिकोण फिल्ममार्फत देखाइएको बताए।
प्रिमियरमा निर्देशक गिरी, निर्माता खाती, कलाकार गौरव पहारी किरण नेपालीलगायतको उपस्थिति थियो ।
चलचित्र पत्रकार संघ नेपाल मकवानपुरका उपाध्यक्ष श्रीराम अर्जुनको अध्यक्षतामा भएको पत्रकार सम्मेलनमा मकवानपुर सुनचादीँ व्यसायी संघका अध्यक्ष पवन शाक्य, हेटौंडाका कलाकार सुशान्त कुमार श्रेष्ठ, चलचित्र पत्रकार संघ नेपाल चितवनका उपाध्यक्ष सागर ढुङ्गाना लगायतले चलचित्रको सफलताको शुभकामना व्यक्त गरेका थिए ।
फिल्ममा गौरव पहारी, किरण नेपालीको अलावा नम्रता सापकोटा, सरोज खनाल, गीता अधिकारी, बुद्धि तामाङ, राजाराम पौडेल, नारायण खाती, विनोद न्यौपाने, राजेन्द्र खड्गी लगायतको कलाकारहरुको अभिनय रहेको छ ।
सुवर्ण शिभान्स फिल्मस् को व्यानरमा निर्माण भएको फिल्मका निर्माता भने सरोज खाती, सविन खाती, र मनोज रिजाल रहेका छन् । सिनेमामा शिवम् अधिकारीको पटकथा तथा सम्वाद रहेको छ भने अर्जुन पोखरेल र सन्तोष श्रेष्ठको संगीत रहेको छ ।
फिल्ममा रामजी लामिछानेको नृत्य, दिव्य सुवेदीको छांयाकन, देव महर्जनको द्धन्द र गौतमराज खड्काको सम्पादन रहेको छ ।
