गायक नरेश खाती र गायिका समीक्षा अधिकारीको स्वरमा ‘मन परेरै हो’ गीतको म्युजिक भिडियो सार्वजनिक गरिएको छ ।
सार्वजनिक गरिएको १ दिनमै युट्युवको ट्रेन्डिङको लय समातेको उक्त गीत यो समाचार तयार पार्दासम्म ९ नम्बरमा पुगेको छ ।
‘मन परेरै हो’ गीतमा शब्द तथा संगीत नरेश खातीकै छ । गीतमा कृष्ण विकको संगीत संयोजन रहेको छ । नरेश खातीकै निर्देशनमा बनेको भिडियोमा करण चैंसिरको छायाङ्कन र मनोज कार्कीको सम्पादन रहेको छ ।
भिडियोमा नरेश खाती, समीक्षा अधिकारी, कमल ढुंगाना, रुपेश आले मगर, कृष्ण कंडेल फिचर्ड छन् । भिडियो मेक्सम नरेश अफिसियल युट्युव च्यानलमार्फत सार्वजनिक गरिएको छ ।
प्रतिक्रिया दिनुहोस्
