बलिउडका दिग्गज अभिनेता नसीरुद्दीन शाहले आफ्ना लागि अवार्डको कुनै महत्त्व नरहेको बताएका छन् ।
उनले दमदार अभिनयका लागि आफूले पाएका सबै अवार्ड शौचालयको ढोकाको ह्यान्डलमा झुन्ड्याएको खुलासा गरेका छन् ।
‘मेरा लागि फिल्म फेयरजस्तो अवार्डले पनि महत्त्व राख्दैन । मेरो एक फार्म हाउस छ, जहाँको ट्वाइलेट हेण्डलमा यी सबै अवार्ड झुन्डिइरहेका छन्’ उनले भनेका छन् ।
नसीरुद्दीनको बुझाइमा यी ट्रफीको कुनै मूल्य छैन । उनले जब पहिलो पटक अवार्ड पाएका थिए, त्यो बेला उनी निकै खुसी भएका थिए ।
‘त्यसपछि मैले धमाधम अवार्ड पाउन थालें । जुन काम मेरो करियरको सुरुवातमा भयो । पछि मलाई थाहा भयो कि जुन अवार्डको यो लामो नतिजा छ, यो मेरो कामले गर्दा पाएको छैन’, उनले भने । उनले आफ्ना लागि पद्मश्री, पद्मभूषण जस्ता अवार्डको मात्र महत्त्व हुने बताए ।
उनको अनुभवमा कोही कलाकारले ज्यान दिएर काम गर्छ भने त्यो राम्रो कलाकार हो । ‘तपाईंले टोकरीबाट एउटा बन्दा निकालेर यो राम्रो छ भन्नुभयो भने त्यो कसरी जायज हुन्छ ।’ उनले भनेका छन् ।
