अभिनेता दयाहाङ राईले नयाँ सिनेमा ‘कार्साङ’ साइन गरेका छन्। ।
यार्सा सिनेमास्को व्यानरमा निर्माण हुने सिनेमा ‘कार्साङ’मा याम शेर्पाको लेखन तथा निर्देशन रहनेछ । सिनेमालाई पुरुषोत्तम प्रधानले खिच्नेछन् ।
सिनेमाको छायांकन बारबिसे नगरपालिका–६ र बाँकी भोटेकोसीमा हुने निर्माण पक्षले जानकरी दिएको छ।
सिनेमाका अन्य कलाकार तथा प्राविधिक चाँडै फाइनल गरिने निर्देशक शेर्पाले बताएका छन् ।
‘सिनेमाका बाँकी कलाकार अडिसनमार्फत छनोट गरिनेछ’, शेर्पाले भने ।
सिनेमा सामाजिक कथामा बन्नेछ। निर्देशक शेर्पाको यो डेब्यू निर्देशकीय सिनेमा हो । यसअघि उनले थुप्रै सर्ट सिनेमाको निर्देशन गरिसकेका छन् ।
प्रतिक्रिया दिनुहोस्
