लियोनल मेस्सीको पेरिस सेन्ट जर्मेन(पिएसजी)सँगको सम्झौता जुन ३० मा सकिँदैछ । महँगो मूल्यमा साउदी अरेबियाको अल हिलाल जाने चर्चा चले पनि मेस्सी स्वयम्ले अस्वीकार गरेको समाचार बाहिरिएको छ ।
योसँगै बार्सिलोना जान सक्ने बताइएको छ । यता अमेरिकी मेजर सकर लिग क्लब इन्टर मियामीले पनि मेस्सीलाई भित्र्याउने प्रयास गरिरहेको छ ।
मेसीले साउदीको अल हिलाल नजाने बताए पनि बार्सिलोना र इन्टर मियामीबारे केही प्रतिक्रिया नदिएको बताइएको छ ।
एथलेटिकका अनुसार, लियोनेल मेस्सीको निर्णय अब इन्टर मियामी र बार्सिलोनामध्ये एक हुनेछ ।
समाचारका अनुसार बार्सिलोनाका अध्यक्षले मेस्सीका एजेन्टसँग भेटघाट गरेका छन् । तर बार्सिलोनाले अहिलेसम्म मेस्सीका लागि आधिकारिक निर्णय गरिसकेका छैन। लियोनल मेस्सीले यसै साता आफ्नो निर्णय घोषणा गर्ने अपेक्षा गरिएको छ ।
प्रतिक्रिया दिनुहोस्
