कञ्चनपुरमा घरको भित्ता फोडेर चोरी गरेर फरार रहेका एक जना ३१ वर्षपछि पक्राउ परेका छन् ।
जिल्लाको साबिकको झलारी गाविस–५ का लालबहादुर ऐर बिहीबार पक्राउ परेका हुन् । उनलाई घरको भित्ता फोरेर चोरेको आरोपमा जिल्ला अदालत कञ्चनपुरले २०४९ मंसिर आठ गते तीन दिन कैद तोकेको थियो ।
ऐरलाई जिल्लाबाट खटिएको प्रहरी टोलीले बिहीबार आफ्नै घरमा लुकीछिपी रहेको अवस्थामा पक्राउ गरेको हो । उनलाई आज कञ्चनपुर जिल्ला अदालतमा पेस गराई तोकिएको सजाय भुक्तानको लागी कारागार चलान गरिएको प्रहरी निरीक्षक बहादुर चन्दले बताए ।
यसअघि हिजैमात्र कञ्चनपुरमा एक जना ३१ वर्षपछि पक्राउ परेका थिए ।
प्रतिक्रिया दिनुहोस्
