बलिउड अभिनेता रणवीर कपुरको बहुप्रतिक्षित सिनेमा ‘एनिमल’ले आफ्नो प्रिटिजर टिजर सार्वजनिक गरेको छ।
आइतबार सार्वजनिक प्रिटिजरमा रणवीर कपुरलाई सेतो कुर्ता तथा लुङ्गीमा मुकुण्डोधारीको समूहसँग भिडन्त गर्दै गरेको देख्न सकिन्छ।
सार्वजनिक टिजरले सिनेमामा रणवीर स्टाइलिस एक्सन अवतारमा देखिने छनक दिएको छ।
सिनेमालाई ‘कबिरसिंह’ फेमका सन्दिप सिंह भांगालाई निर्देशन गरेका हुन्।
सिनेमामा रणवीरका अलावा रस्मिका मन्दाना, फाहिम फाजिल,अनिल कपुर, बबी देवल, शक्ति कपुर,हितेन पटेल तथा तृप्ति दिम्री आदिको मुख्य भूमिका रहेको छ।
सिनेमामा नेपालका स्टार अभिनेता विपिन कार्कीले अभिनय गर्ने भनेर सुरुमा खुबै चर्चा चलेको भएपनि अन्तिममा भने उनी सो सिनेमामा अटाउन सकेनन्।
उनको सट्टा खासै नाम नसुनिएका नेपाली अभिनेता टंक धमलाले भने सो सिनेमामा मौका पाएका छन्। धमलाले पाएको भूमिका के हो भन्ने बारेमा भने कही खुलासा भएको छैन।
सिनेमा यही वर्ष अगस्ट ११ मा रिलिज हुनेछ।
