‘अन्तिम संस्कार’ को ओएसटी गीत ‘अल्झिन्छ सम्झना बिर्सन्छु भने नि बिर्सन्न’ रिलिज भएको छ ।
गीतमा स्वप्निल शर्माको शब्द, संगीत तथा स्वर रहेको छ । गीतको लिरिकल भिडियोमा सिनेमाका केही दृश्यहरु समाबेश गरिएको छ ।
सिनेमालाई प्रदीप शाहीले निर्देशन गरेका हुन्।
साई प्रोडक्सन नेपालको ब्यानरमा ह्याम्साएर एकाउन्टेनको सहकार्य रहेको सिनेमामा भाइराजा थापा, राजु कुमार गुरुङ, सुमन राई, उत्सव विष्ट, रबिन्द्र श्रेष्ठ कार्यकारी निर्माता रहेका छन् । विनोद सुवेदी क्षितिज निर्माता रहेको सिनेमा सामाजिक एवं सांस्कृतिक कथावस्तुमा निर्माण भएको हो । ‘मर्डर मिस्ट्रि ’को कथालाई सिनेमामा समावेश गरिएको छ ।
नेपालमा विदेशी सिनेमाको वितरण गर्दै आएको कम्पनी एप्पल इन्टरटेनमेन्टले यो सिनेमालाई देशव्यापी वितरण गर्नेछ । यो सिनेमा सामाजिक तथा सांस्कृतिक कथावस्तुमा निर्माण भएको हो । एक हत्या घटनाको रहस्यको वरपर कथा बुनिएको छ ।
प्रदीप शाहीको निर्देशनमा बनेको पहिलो सिनेमा ‘१९१५ लेजेन्ड अफ गोर्खाज’ अमेजन प्राइममा समेत रिलिज भइ सकेको छ ।
सिनेमामा विजय लामा,दीया पुन,रेश्मा घिमिरे, एवनराज उप्रेती,त्रिचु राई,विशाल पहारी, कृष्णभक्त महर्जन,श्याम राई,पासाङ्ग लामा,बिकाश अधिकारी,सरोज खालिङ्ग राइ,सस्मिता गिरी,दिग्गज खत्री,सरोज कुमाल,धर्मानन्द आचार्य लगाएतको अभिनय रहेको छ ।
बाबु श्रेष्ठको छायाँकन,रुपेश गुरुङको सम्पादन रहेको यस सिनेमाको प्रोडक्सन डिजाईनर प्रेम खड्का हुन् ।
