पछिल्ला केही दिनयता तमन्ना भाटिया चर्चित अभिनेता विजय वर्मासँग डेट गरिरहेकी छन् भन्ने चर्चामा चल्दै आइरहेको थियो ।
उनीहरुको अफेयरको खबर त अझ तब फैलियो जब अभिनेत्री तमन्ना विजयसँग मुम्बईमा अबेर राति देखिएकी थिइन् । यति मात्र होइन, दुवैले नयाँ वर्ष सँगै मनाएका थिए ।
यस बाहेक उनीहरु दुबैलाई अक्टोबरमा दिलजीत दोसाँझको कार्यक्रम र नोभेम्बरको अन्त्यमा भएको फेसन कार्यक्रम सहित धेरै कार्यक्रममा सँगै देखिएका थिए । यी कुराले अझ शंका विश्वासमा बदलियो र सबैले खुलेरै उनीहरुको सम्बन्धलाई लिएर चर्चा पनि गरे ।
तर यो खबरलाई लिएर तमन्ना सुरुसुरुमा मौन रहे पनि अहिले भने खुलेरै ती खबरलाई पुष्टि गरेकी छिन् । तमन्नाले एक अन्तर्वार्तामा विजय
वर्मासँग आफ्नो सम्बन्धको खुलासा गरेकी हुन् । यससँगै उनले विजयका लागि यस्तो कुरा भनीन् कि उनको बयान केही मिनेटमै भाइरल भयो ।
तमन्ना भाटियाले ‘हो, विजय त्यस्तो व्यक्ति हो जससँग म अगाडिको योजना बनाउन सक्छु । उहाँसँगको मेरो सम्बन्ध धेरै विशेष छ। उहाँ मेरो हेरचाह गर्ने व्यक्ति हुनुहुन्छ र हो, उहाँ अहिले मेरो खुसीको ठाउँ हुनुहुन्छ भन्दै आफ्ना प्रेमिको खुलेरै तारिफ गरिन् । अझ विशेष कुरा त के छ भने तमन्ना र उनका प्रेमी विजय वर्मा चाँडै नै वेब सिरिजमा सँगै देखिने भएका छन् ।
यो ‘लस्ट स्टोरीज २’ नामको वेब सिरिज हो । यस वेब सिरिजमा धेरै कथाहरू अलग-अलग देखाइनेछ।
