राजनीतिक दलका कार्यकर्तालाई सही नेतृत्व छान्नुपर्छ, खराबलाई ठेगान लगाउनुपर्छ भन्दै चर्चित गायक पशुपति शर्माले व्यंग्य तथा चेतनाको समिश्रण भएको गीत बजारमा ल्याएका छन् ।
‘तिम्रा नेता बिग्रिए, जाग जनता’बोलको गीतको भिडिओ शर्माले मंगलबारमात्र आफ्नै नामको युट्युब च्यानलमार्फत सार्वजनिक गरेका हुन् ।
शर्माको शब्द रचना र स्वर रहेको गीतले दलहरुमाथि व्यंग्य कसेका छन् । उनले स्थानीय तहमा पनि राम्रो नेता चाहिएको सन्देश प्रवाह गरेका छन् । उनले नेताहरूलाई खबरदारी गर्दै जनतालाई जागरूक हुन आग्रह गरेका छन् ।
दुर्गा पौडेलको छायांकन एवं निर्देशन रहेको भिडियोमा प्रकाश धमलाको सम्पादन छ ।
पशुपति शर्माको केहिदिन अघि सार्वजनिक भएको ‘आफ्नो आफ्नो दुःख’ को चर्चा सेलाउन नपाउँदै ‘तिम्रा नेता बिग्रिए, जाग जनता’ बजारमा ल्याएका हुन् । दुई हप्ताअघिमाब सार्वजनिक भएको ‘आफ्नो आफ्नो दुःख’ २३ लाखले हेरिसकेका छन् ।
