शाहरुख खान बलिउडका सुपरस्टार हुन् तर उनीसँग के छ जुन अरुसँग छैन?
‘आस्क मी एनीथिङ’ सेसनमा फ्यानले किंग खानलाई यो प्रश्न सोधे, जसमा उनले रमाइलो जवाफ दिए ।
सोमबार ‘आस्क मी एनिथिङ’ सत्रमा शाहरुख आफ्ना फ्यानहरूसँग आमनेसामने भए र हरेक प्रश्नको जवाफ आफ्नै शैलीमा दिए ।
यसक्रममा फ्यानहरूले शाहरुखलाई धेरै रमाइला प्रश्नहरू सोधे।
एक प्रयोगकर्ताले शाहरुखसँग के छ? जुन अन्य कलाकारहरूसँग छैन?, भनेर सोधे।
यसमा शाहरुखले जे जवाफ फर्काए त्यो सबैको मन जित्ने किसिमको थियो।
‘मसँग कुछ कुछ होता है, देवदास है, स्वदेश है, चक दे इण्डिया है, पठान है, ओम शान्ति ओम है’ शाहरुखले जवाफ दिएका छन्।
शाहरुख खानको यो वर्षको दोस्रो रिलिज ‘जवान’ ७ सेप्टेम्बरमा रिलिज हुँदैछ ।
यतिबेला उनका फ्यानहरुलाई केहि कुराको प्रतिक्षामा छ भने ‘जवान’को ट्रेलर हो।
शाहरुखले चाँडै ‘जवान’को ट्रेलर रिलिज हुने बताएका छन् । उनले निर्देशक एट्लीसँग फिल्म हेर्ने योजना बनेको र त्यसपछि मात्रै अन्तिम ट्रेलर सार्वजनिक हुने जानकारी सो कुराकानीमा दिएका छन् ।
त्यस्तै शाहरुखको ‘डंकी’ पनि यसै वर्ष रिलिज हुने तयारीमा छ ।
