‘जय हो’को फस्टलुक पोस्टर सार्वजनिक भएको छ।
निर्माण टिमले बिहीबार सिनेमाका दुई पोस्टर सार्वजनिक गर्दै प्रचार प्रसार सुरु गरेको हो।
सिनेमा भाद्र ८ गते रिलिज हुनेछ। सिनेमालाई टेक पौरखी राईले निर्देशन गरेका हुन्।
सार्वजनिक दुई पोस्टरमा सिनेमाका मुख्य कलाकार सलोन बस्नेत, केकी अधिकारी, अर्पण थापा, निशा अधिकारी र माओत्से गुरुङ फिचर्ड छन्।
सलोन सलिना फिल्मस्को ब्यानरमा निर्माण भएको सिनेमाका प्रस्तुतकर्ता शोभित बस्नेत हुन् । राज के अधिकारी र सुरज सरकारको लगानी रहेको छ।
सौरभ लामाको डिओपी, शम्भुजित बास्कोटा र सागर आलेको संगीत, बनिश शाहको सम्पादन, सम्राट बस्नेतको द्धन्द्व निर्देशन, कविराज गहतराज र रामजी लामिछानेको कोरियोग्राफी, रेनिस फागोको कलर, समीर मियाँको भिएफएक्स, सुवाष काफ्ले प्रोडक्सन हेड, केवलमान सिंह बस्नेत प्रोडक्सन म्यानेजर र समिर खान प्रोडक्सन डिजाइनर रहेको सिनेमाका मुख्य सहायक निर्देशक दिप्त प्रकाश अधिकारी हुन् ।
