‘गणपति’को सेटमा आगलागी भएको छ।
बालाजुस्थित नेपाल फिल्म डेभलवमेन्ट कम्पनी लिमिटेड(एनएफडिसी)मा सेट लगाएर सिनेमाको गीतको छायाँकन भइरहेको अवस्थामा आगलागी भएको हो।
सिनेमाका मुख्य अभिनेता मुकुन भुषाल र अभिनेत्री वर्षा शिवाकोटीले नाच्दै गर्दा सेटमा आगो लाग्न पुगेको हो। उनीहरुसँगै त्यहाँ कोरषसहित सयको संख्यामा युनिट उपस्थित थियो।
भदौ १५ गते रिलिज हुने सिनेमाको यस गीतमा आगोलाई प्रप्स बनाएर गीत खिँचिदै गरेको अवस्थामा सेटमा प्रयोग भएको कपडा आगोले टिप्दा आगलागी भएको हो। आगो लागेपछि तनावको स्थिति उत्पन्न भएको छ।
हाल आगो नियन्त्रणमा आइसकेको छ भने क्षतिको विवरण आउन बाँकी रहेको छ।
प्रतिक्रिया दिनुहोस्
