गत शुक्रबार रिलिज भएको फूलमान वलको निर्देशकीय डेब्यू ‘नीरफुल’ वक्सअफिसमा असफल भएको छ। एक सातामा सिनेमाको कमाइ बिर्सनयोग्य छ।
वक्सअफिसमा सिनेमाले एक सातामा २० लाख ४४ हजारको ग्रस कमाइ गरेको छ। यो कमाइ देशभरका ६० हलमा सिनेमालाई प्राप्त ४ सय ६६ शो बाट आएको हो।
साता दिनको अवधिमा यो सिनेमाका ११ हजार १ सय ४ वटा टिकट बिक्री भएको छ। देशभर उसको अकुपेन्सी औषतमा १० प्रतिशतको हाराहारीमा रहेको छ।
सिनेमाको यो प्रदर्शनले सिनेमा फ्लप भएको स्पष्ट पारेको छ। सिनेमाले समीक्षकीय रुपमा आलोचना खेपेको छ। सिनेमाको निर्देशन, सम्पादन, पटकथा तथा सम्पादन जस्ता सिनेमाका प्रमुख आधारहरूमा नै सिनेमा सर्वाधिक कमजोर भएको समीक्षकहरुको मत छ।
सिनेमामा दयाहाङ राई, शान्ति वाइबा तथा जिग्मे छ्योकी घिसिङको प्रमुख भूमिका रहेको छ।
प्रतिक्रिया दिनुहोस्
