रुसले बेलारुसमा रणनीतिक आणविक हतियारको पहिलो समूह राखेको छ ।
रुसी राष्ट्रपति भ्लादिमिर पुटिन आफैंले यसका बारेमा जानकारी दिएका छन् । उनका अनुसार रुसको भूभाग वा राज्यलाई धम्की दिएमा मात्र प्रयोग सो आणविक हतियार प्रयोग गरिने बताए ।
उनले एक सार्वजनिक मञ्चमार्फत आणबिक हतियार बेलारुसमा पुर्र्याइएको जानकारी दिएका थिए । बेलारुस एक प्रमुख रुसी सहयोगी हो ।
सो क्रममा राष्ट्रपति पुटिनले सामरिक आणविक हतियार हस्तान्तरण गर्मीको अन्त्यसम्ममा सम्पन्न हुने बताएका छन् ।
सेन्ट पीटर्सबर्ग अन्तर्राष्ट्रिय आर्थिक फोरममा भाषण पछि प्रश्नहरूको जवाफ दिँदै रसियाका राष्ट्रपतिले भने, ‘यो कदम नियन्त्रणको बारेमा थियो र हामीलाई रणनीतिक पराजय गर्ने सोच्नेले यसको सम्झना गरुन भनेर देखाइएको हो ।’
प्रतिक्रिया दिनुहोस्
