धनगढीमा लागूऔषधसहित क्लिनिक सञ्चालन पक्राउ परेका छन् ।
धनगढी उपमहानगरपालिका-१३ एयरपोर्ट मोडमा गेटा मेडिको क्लिनिक सञ्चालन गर्दै आएका ३० वर्षीय गणेश बाग पक्राउ परेका हुन् । डोटीको आदर्श गाउँपालिका-१ का बागले सञ्चालन गरेको क्लिनिकमा लागूऔषध फेला परेको हो ।
उनको क्लिनिकबाट त्रिंगा सप्ट नामक लागूऔषध ४७ ट्याब्लेट र एन्टिकफ ४८ पत्ता बरामद गरिएको सुदूरपश्चिम प्रदेश प्रहरी कार्यालय धनगढीले जनाएको छ ।
कैलाली गाउँ प्रहरी चौकीको समूहले उनलाई नियन्त्रणमा लिएको हो । घटनाको थप अनुसन्धान गरिरहेको प्रहरीले जनाएको छ ।
प्रतिक्रिया दिनुहोस्
