अभिनेत्री आलिया भट्टको पहिलो हलिउड फिल्म ‘हार्ट अफ स्टोन’को ट्रेलर सार्वजनिक भएको छ ।
यस फिल्ममा एकातिर गल गडोट जासूस एजेन्टको भूमिकामा देखिएकी छिन् भने अर्कोतर्फ आलिया भट्ट नकारात्मक भूमिकामा देखिएकी छिन् । तर, हलिउडका सिनेमामा नकारात्मक भूमिका गर्ने आलिया भट्ट पहिलो भारतीय सेलिब्रेटी होइनन्। उनका अलावा अन्य बलिउड स्टारहरुले पनि हलिउड सिनेममा आफूलाई खलनायकको भूूमिकामा प्रस्तुत गरेका छन्। आलिया जस्तै नकारात्मक भूमिकामा काम गरेका कलाकारहरुको सूचि यस्तो छ:
प्रियंका चोपडा
अभिनेत्री प्रियंका चोपडाले फिल्म ‘बेवाच रिबुट’बाट हलिउडमा डेब्यु गरेकी हुन् । यस फिल्ममा उनी नकारात्मक भूमिकामा थिइन्। धेरैले यसका लागि उनको तारिफ गरेका थिए।
इरफान खान
उनी धेरै हलिउड फिल्ममा काम गर्ने अभिनेतामा पर्छन्। उनले हलिउड फिल्म ‘अमेजिङ स्पाइडर म्यान’मा ओस्कोप एजेन्टको भूमिका निर्वाह गरेका थिए। उनले योसँगै अन्य हलिउड सिनेमाहरु ‘जुरासिक पार्की’, ‘लाईफ अफ पाइ’ लगायतका सिनेमामा काम गरेका छन्।
ऐश्वर्या राय बच्चन
उनले ‘पिंक प्यान्थर २’ मा आफ्नो नेगेटिभ क्यारेक्टरबाट सबैको मन जितेकी छिन् ।
धनुष
उनले फिल्म ‘द ग्रे म्यान’ बाट हलिउडमा डेब्यु गरेका थिए । यस सिरिजमा अभिनेताको अचम्मको स्टाइल देखियो ।
अली फजल
उनी ‘द डेथ अन द नाइल’ मा रहस्यमय पात्रको रुपमा देखा परेका थिए । यो सिनेमाका लागि गरेको भूमिका लागि उनले प्रशंसा बटुलेका थिए।
