सुपरस्टार अल्लु अर्जुनले शाहरूख खानलाई पछि पारेका छन्।
तर उनले शाहरूखलाई कसरी पछि पारेका छन् त? यसको उत्तर हो ‘पुष्पा-द रुल’। यो वर्ष अल्लुको ‘पुष्पा-२’ रिलिज हुँदैछ भने शाहरूखको ‘जवान’।
तर एक सर्वेक्षणले दर्शकहरुलाई सन् २०२३ मा शाहरुखको ‘जवान’ भन्दा पनि अल्लु अर्जुनको ‘पुष्पा-२’ हेर्न धेरै प्रतिक्षा रहेको देखाएको छ। शाहरूख यसै हिसाबले अल्लि भन्दा पछि परेका हुन्।
ओरम्याक्सले गरेको सर्वेक्षणले दर्शकहरुलाई अगस्टपछि रिलिज हुने सिनेमाहरुमा ‘पुष्पा-२’ सर्वाधिक प्रतिक्षामा रहेको देखाएको छ।यो
सूचिमा रिपोर्ट अनुसार ‘पुष्पा-२’ पहिलो नम्बरमा छ भने दोस्रो र तेश्रो नम्बरमा क्रमशः ‘हेरा फेरी-३’ र ‘जवान’ रहेको छ।
यस्तै सलमान खानको ‘टाइगर-३’ चौथोमा रहँदा कार्तिक आर्यनको ‘भुल-भुलैया ३’ पाँचौं नम्बरमा छ ।
अल्लु अर्जुनको ‘पुष्पा-द राइज’ सन् २०२१ मा रिलिज भएको थियो । रक्तचन्दन तस्करीमा आधारित यो चलचित्रको अन्तिम भाग यसै वर्षको डिसेम्बर २ मा रिलिज हुने जनाइएको छ।
