आईसीसी एक दिवसीय विश्वकप छनोट प्रतियोगितामा श्रीलंकाले ओमानविरुद्ध सहज जित निकालेको छ ।
जिम्बावेको राजधानी हरारेमा रहेको क्विन्स स्पोर्टस् क्लबमा भएको खेलमा श्रीलंकाले १० विकेटको जित हात पारेको हो।
ओमानले दिएको ९९ रनको लक्ष्य श्रीलंकाले बिना विकेटको क्षतिमा १५ ओभरमा पूरा गर्यो ।
श्रीलंकाको जितमा दिमुथ करुणारत्नेले ५१ बलमा ८ चारको सहयोगमा अविजित ६१ रनको अर्धशतकीय ईनिङ खेले । अर्का ओपनर पथुम निशंकाले ३९ बलमा ५ चौकाको सहयोगमा अविजित ३७ रन बनाए ।
त्यसअघि टस हारेर पहिले ब्याटिङ गरेको ओमान ३० दशमलव २ ओभरमा ९८ रन बनाउँदै अल आउट भएको थियो ।
प्रतिक्रिया दिनुहोस्
