असार १५ गते रिलिज हुने ‘परस्त्री’को लिरिकल भिडियो गीत सार्वजनिक गरेको छ।
‘परस्त्री’ले ‘जीवन भनेको’ बोलको गीत सार्वजनिक गरेको हो।
लिरिकल भिडियोमा कोशिस क्षेत्री, शिल्पा मास्के र गौरव बिष्टका चल अचल दृश्यहरु समावेश गरिएको छ ।
गीत केके ब्रोदर्सको कम्पोज तथा शब्द रचनामा तयार भएको हो। निर्माण पक्षले सिनेमाको कथा खुल्ने भएकाले लिरिकल भिडियो सार्वजनिक गरेको हो।
सिनेमामा विवाहेत्तर सम्बन्धले निम्त्याउने परिस्थिति र परिणामको कथा पेस गर्छ।
निरज कँडेल छायांकन गरेको सिनेमाबाट सुरज पाण्डेले निर्देशनमा डेव्यु गर्दैछ।
सिनेमामा चुम्बन, बेडसिन र हिंसाका दृश्य लगायतका दृश्य भएका कारण नेपालको सेन्सर बोर्डले पिजि अर्थात १६ वर्षमुनीका बालबालिकाले अभिभावकको निगरानीमा हेर्नुपर्ने प्रमाणपत्र दिएको छ।
सिनेमा नेपालीसँगै हिन्दी भाषामा पनि रिलिज हुनेछ।
प्रतिक्रिया दिनुहोस्
