रिलिज मिति नजिकदैं गर्दा ‘बगान’ सिनेमाले आफ्नो नयाँ गीत रिलिज गरेको छ्
सिनेमा असार २९ गते रिलिज हुँदैछ।
सिनेमाले ‘न वारमा छु, न पारमा छु’ बोलको गीत रिलिज गरेको हो।
गीतमा सुरेश वाग्लेको शब्द रचना, हरी लम्सालको संगीत र अञ्जु पन्तको स्वर रहेको छ ।
गीतको भिडियोमा अभिनेत्री करिश्मा मानन्धरलाई प्रमुख स्थान दिईएको छ ।
सिनेमालाई अभिनेता सरोज खनालले निर्देशन गरेका हुन् ।
सिनेमामा करिश्मासँगै सरोज खनाल, करिश्मा मानन्धर, आकाश श्रेष्ठ, नव अभिनेत्री प्रमिला कार्कीसँगै नीर शाह, बसुन्धरा भुषाल र मिथिला शर्मा लगायतको अभिनय रहेको छ ।
नेपाली वेबसाइट डटकमको प्रस्तुती रहेको ‘बगान’का निर्माता सुरेश वाग्ले हुन् भने कार्यकारी निर्माता विनोद मानन्धर हुन् ।
यसमा गौरीशंकर धुजुको डिओपी, उत्सव दाहाल र नारायण जिसीको छायांकन, सन्देश शाहको सम्पादन, समिर मियाँको भि.एफ.एक्स. तथा रेनिश फागोको कलर करेक्शन रहेको छ । ब्याकराउन्ड स्कोर सुजिल कर्माचार्य र साउन्ड मिक्सिंग मुकेश शाहको रहेको छ ।
यो फिल्म नेपाल र अमेरिकासहित नेपालीको बसोबास रहने विभिन्न देशहरुमा फिल्म प्रदर्शन गर्ने योजनामा निर्माण टिम छ ।
