लोकप्रिय गायक प्रकाश सपुतमाथि रोमानियामा आफ्नो प्रस्तुति दिइरहँदा बियरको क्यान प्रहार भएको छ। दर्शकदीर्घाबाट प्रहार भएको क्यान उनको टाउकोमा लागेको थियो।
दर्शकदीर्घामा रहेका कालो टिसर्ट लगाएका एक दर्शकले बियरको क्यानले हानेका हुन्।
नेपाली समय अनुसार हिजो राति १२ बजे राति उनीमाथि आक्रमण भएको हो।
सो आक्रमणको भिडियो सामाजिक संजालमा सार्वजनिक भएपछि उनीमाथिको आक्रमण सार्वजनिक भएको हो।
क्यान बोतल प्रहार हुँदा सपुतले स्टेजमा ‘बोल माया’ गीत गाइरहेका थिए।
सो प्रहारबाट उनी सामान्य घाइते भएका छन् घटनाको आधा घण्टापछि उनले आफ्नो गायनलाई निरन्तरता दिएका थिए। उनले सो क्रममा आफूलाई क्यानले हान्नेलाई कुने कारवाही नगर्नु होला भनेर अनुरोध गरे र हान्ने व्यक्तिलाई मिल्छ भने भेट्नुहोला समेत भने।
घटनापछि आयोजकले सपुतलाई प्रहार गर्ने व्यक्तिलाई नियन्त्रणमा लिएका थिए।
प्रतिक्रिया दिनुहोस्
