तमन्ना भाटियाका एक फ्यानले उनलाई यस्तो सरप्राइज दिए कि उनी निकै भावुक भइन् र उनको आँखाबाट आँशु छचल्कियो। उनको भिडियो अहिले सामाजिक संजालमा निकै भाइरल भइरहेको छ।
अभिनेत्री तमन्ना भाटिया साउथ इन्डस्ट्रीकी टप नायिका हुन् । उनको ठूलो फ्यान फलोइङ छ । हाल उनी आफ्नो नयाँ फिल्म ‘लस्ट स्टोरीज २’ र आफ्नो सम्बन्धका कारण चर्चामा छिन् । जबदेखि अभिनेत्रीले विजय वर्मासँग आफ्नो सम्बन्धलाई आधिकारिक बनाइन्, तबदेखि उनका फ्यानहरूमा धेरै उत्सुकता बढेको छ।
नायिका यतिबेला आफ्नो आगामी प्रोजेक्टको प्रमोशनमा व्यस्त छिन् । जसका कारण उनले धेरै यात्रा गरिरहनु परेको छ।
यही यात्राकाबीच अभिनेत्री सोमबार राती मुम्बई फर्किँदा केही यस्तो भयो जसले उनलाई निकै नै भावुक बनायो ।
वास्तवमा, सधैं झैं उनका फ्यानहरू एयरपोर्टमा उनको पर्खाइमा थिए, तर यसपटक भने रोचक कुरा के भयो भने उनका एक फ्यानले उनलाई एउटा सुन्दर सरप्राइज दिए। जसलाई देखेर तमन्ना निकै भावुक बनिन् ।
तमन्नाको यो भिडियो सामाजिक सञ्जालमा निकै भाइरल भइरहेको छ । भिडियोमा देख्न सकिन्छ कि कसरी एक महिला त्यहाँ आएर उनको खुट्टा छुन्छिन् र फूलको ठूलो गुच्छा दिन्छिन् । त्यसपछि अचानक तमन्नाको नजर ती महिला फ्यानको हातमा पुग्छ।
ती महिला प्रशंसकले आफ्नो हातमा तमन्नाको ट्याटु कोरेकी थिइन। उनले आफ्नो पाखुरामा खोपेको तमन्नाको ट्याटुमा ‘लभ यू तमन्ना’ समेत लेखिएको छ।
आफ्नी प्रशंसकको यो हदको प्रेम देखेपछि तमन्ना निकै भावुक भइन् र आफ्ना फ्यानलाई यसो गर्न आवश्यक नरहेको बताइन् किनभने उनी यो बिना पनि फ्यानलाई माया गर्छिन्।
यो भिडियोमा मानिसहरुले विभिन्न प्रतिक्रिया दिइरहेका छन् । एक प्रयोगकर्ताले लेखेका छन्, ‘भाग्यवानले यस्तो सम्मान पाउँछन्, भगवानले यी फ्यान र तमन्ना दुवैलाई सधैं खुसी राखून्।’
यस्तै अर्का प्रयोगकर्ताले लेखेका छन्, ‘तमन्ना निकै भाग्यमानी छिन्।’
#TamannaahBhatia & #MrunalThakur Back to Mumbai 😍💖🔥📸✈️@mrunal0801 @tamannaahspeaks @viralbhayani77 pic.twitter.com/xzKjqHC754
— Viral Bhayani (@viralbhayani77) June 26, 2023
