पश्चिम नवलपरासीको सुनवल नगरपालिका-१३ मा आफ्नै आमाको हत्या गरेको आरोपमा छोरा पक्राउ परेका छन् । स्थानीय ५० वर्षीया बुद्धिरानी मुसहरलाई उनका छोरा २५ वर्षीय शिवकुमारले हत्या गरेको आरोप छ ।
पारिवारिक विवादको क्रममा छोरा शिवकुमारले आमालाई घाँटीमा धारिलो हतियार प्रहार गरेर हत्या गरेको जिल्ला प्रहरी कार्यालय पश्चिम नवलपरासीका सूचना अधिकारी भोजराज पाण्डेले बताए ।
आमाको हत्या गरेर फरार भएको शिवकुमारलाई रुपन्देहीको गैडहवा गाउँपालिका –८ मैनाहवामा लुकिछिपी बसेको अवस्थामा पक्राउ गरिएको छ । शिवकुमारलाई कर्तव्य ज्यान मुद्दामा अनुसन्धान थालेको प्रहरीले जनाएको छ ।
बुद्धिरानी, श्रीमान् र छोरासँग बस्दै आएकी थिइन् ।
प्रतिक्रिया दिनुहोस्
