यो वर्षको पाँच महिनामा (२०२३ जनवरीदेखि मेसम्म) ४ लाख ७० हजार ५४२ पर्यटक लुम्बिनी भित्रिएका छन् ।
गत वर्ष सोही अवधिमा लुम्बिनी भ्रमण गर्ने पर्यटकको संख्या ३ लाख ६२ हजार ५६ थियो । गत वर्षभन्दा १ लाख ८ हजार ४८६ बढी लुम्बिनी आएका हुन् ।
यो वर्षको मे महिनासम्म ६७ देशका ३४ हजार ४१३ जना विदेशी, ३ लाख २४ हजार २६८ नेपाली र एक लाख ११ हजार ८६१ भारतीय नागरिकले बुद्धजन्मस्थलको भ्रमण गरेको तथ्यांक छ ।
यस पाँच महिनाको अवधिमा नेपाली र भारतीय नागरिकबाहेक थाइल्यान्डका ८ हजार २४७, श्रीलंकाका ५ हजार ७२१, म्यान्माका ५ हजार ३९८, भियतनामका ३ हजार २३५, कोरियाली २ हजार ६२९ ले लुम्बिनीको भ्रमण गरेका छन् । यसैगरी चिनिया १ हजार २०८ र अन्य देशका ७ हजार ६७५ जना राहदानीका नागिरकले बुद्धजन्मस्थल लुम्बिनीको भ्रमण गरेको लुम्बिनी विकास कोषले जनाएको छ ।
प्रतिक्रिया दिनुहोस्
