सिरहामा लागूऔषधसहित तीन जना पक्राउ परेका छन् ।
सिरहा नगरपालिका–७ बाट प्रहरीले प्रतिबन्धित लागूऔषध खैरो हेरोइनसहित तीनजनालाई पक्राउ गरेको हो ।
जिल्ला प्रहरी कार्यालय सिरहाका अनुसार सदरमुकामस्थित ट्राफिक चोकबाट ७०.९३ ग्राम खैरो हेरोइन र तौल गर्ने डिजिटल मेसिनसहित तीन युवकलाई पक्राउ गरेको हो ।
प्रहरी नायव उपरीक्षक रविन्द्रराज पाण्डेका अनुसार पक्राउ पर्नेहरुमा सिरहा–८ का २० वर्षीय विवेक ठाकुर र १९ वर्षीय मनिष यादव तथा सिरहा–२० का १९ वर्षीय सत्यनारायण कारक छन् ।
प्रतिक्रिया दिनुहोस्
